شىمكەنت قالاسىندا قوعامدىق كولىكتەردەگى اشىقتىقتى قامتاماسىز ەتۋ جانە تۇرعىندارعا ساپالى قىزمەت كورسەتۋ ماقساتىندا «تولەم» ەلەكتروندىق بيلەتتەندىرۋ جۇيەسى 2020 جىلعى 15 قازاننان باستاپ ىسكە قوسىلعان بولاتىن. 9 قاراشادان باستاپ سارالانعان تاريف ەنگىزىلدى, ياعني قولما-قول تولەم 100 تەڭگەنى, ەلەكتروندى تولەم 70 تەڭگە بولىپ بەكىتىلدى, دەپ حابارلايدى Egemen.kz
بۇگىنگى تاڭدا اتقارىلعان جۇمىستار ناتيجەسىندە «تولەم» جۇيەسى ءوزىنىڭ تيىمدىلىگىن كورسەتىپ وتىر. ەلەكتروندىق TOLEM جۇي̆ەسىندە رەكورد 202 331-گە جاڭارتىلدى.
اتاپ اي̆تقاندا, 150169 ترانزاكتسيا كارتامەن جاسالىنعان, 50 160 ترانزاكتسيا قولما-قول, 1 552 تولەم sms كود جىبەرۋ ارقىلى جاسالىنعان.
قۇرمەتتى جولاۋشىلار, قوعامدىق كولىكتە جول اقىسىن قولما-قول تولەگەن جاعداي̆دا مىندەتتى تۇردە «چەك» تالاپ ەتىڭىزدەر.
ايتا وتسەك, كارتالاردى قالاداعى 350 ساۋدا نۇكتەلەرىنەن, «زەردە» ءدارىحانالارىنان جانە حالىققا قىزمەت كورسەتۋ ورتالىقتارىنان ساتىپ الۋعا بولادى. جۇيەنىڭ جۇمىسىن جاقسارتۋ ماقساتىندا ونلاين رەجيممەن قاتار, وففلاين رەجيم ەنگىزىلدى جانە تولەمدەردى SMS ارقىلى تولەۋگە بولادى. ەلەكتروندىق جۇيەگە مونيتورينگ جۇرگىزۋ ءۇشىن «تسدس» مكم-دە ارنايى 11 توپ قۇرىلىپ, اتالعان توپتار تۇراقتى تۇردە كولىك باعىتتارىندا جۇمىستار اتقارادى.